„ატლანტიკურ საბჭოს“, რომ „ქართული ოცნების“ ხელისუფლება არ მოსწონს ეს არახალია. მიუხედავად ამისა, ისინი ვერ გაექცნენ ობიექტურ ჭეშმარიტებას, რომ საქართველოში განსაკუთრებით ტოლერანტულები ვართ უმცირესობების წარმომადგენლების მიმართ. იმიტომ, რომ ასეთია ჩვენი, ქართული ბუნება, – ასე აფასებს იურიდიულ საკითხთა საპარლამენტო კომიტეტის თავმჯდომარე არჩილ გორდულაძე, „ატლანტიკური საბჭოს“ მიერ გამოქვეყნებული კეთილდღეობის ინდექსში საქართველოს მოწინავე პოზიციებს.
მისი თქმით, მიუხედავად მოწინავე პოზიციებისა ქვეყანა მაინც იღებს დაუმსახურებელ კრიტიკას თითქოს საქართველოში ადამიანის უფლებები დაცული არ არის.
„ეს ყველაფერი კანონმდებლობითაც გათვალისწინებულია და მკაცრია პასუხისმგებლობა უმცირესობების წარმომადგენლების უფლებების შელახვის შემთხვევაში. მიუხედავად ამ ყველაფრისა, ჩვენ ვისმენთ განცხადებებს, რომ თითქოს ჩვენს ქვეყანაში ადამიანის უფლებები დაცული არ არის. მაგრამ ერთი არის განცხადებები და მეორე არის უკვე ფაქტები“, – განაცხადა არჩილ გორდულაძემ.