აშშ-ის პრეზიდენტი, დონალდ ტრამპი აზერბაიჯანელი ერის მსგავსად ისეთ ფუნდამენტურ ფასეულობებს იზიარებს, როგორიცაა ოჯახური ღირებულებები, – განაცხადა აზერბაიჯანის პრეზიდენტმა, ილჰამ ალიევმა ქალაქ ხანქენდიში გამართულ შუშის მესამე გლობალურ ფორუმზე სიტყვით გამოსვლისას.
„მე ტრამპის გამარჯვებას არ ვწინასწარმეტყველებდი. მე უბრალოდ ვამბობდი, რომ ეს აზერბაიჯანელი ხალხისთვის სასურველი იქნებოდა, რადგან ის ჩვენს მსგავსად იზიარებს ფუნდამენტურ ფასეულობებს, მათ შორის ოჯახურ ფასეულობებს“, – თქვა ალიევმა.
აზერბაიჯანის ლიდერმა აგრეთვე დასძინა, რომ ტრამპი ამერიკის ერთადერთი პრეზიდენტია, რომელსაც ომი არ დაუწყია.
მისი თქმით, ის არის ადამიანი, რომელიც ომებს ასრულებს.
„ჩვენ მადლიერები ვართ მისი მისწრაფების გამო დაეხმაროს აზერბაიჯანსა და სომხეთს შეთანხმების მიღწევაში, მაშინ, როცა ის გაცილებით გლობალური უსაფრთხოების საკითხებით არის დაკავებული. ჩვენ გვიხარია მისი გამარჯვებები და წარმატებებს ვუსურვებთ ვაშინგტონს ჭაობის დაშრობაში“, – თქვა ალიევმა.