გორის მუნიციპალიტეტის მერის მოვალეობის შემსრულებელმა, კონსტანტინე ბუზალაძემ ლიტერატურულ კონკურს „მაჩაბელის“ წლის საუკეთესო პოეტური ციკლის/კრებულის ნომინაციაში გამარჯვებული ავტორი ტარიელ ხერხელაური დააჯილდოვა.
გორის მუნიციპალიტეტის მერიის ინფორმაციით, კონკურსის ლაურეატების დაჯილდოების საზეიმო ცერემონია გიორგი ერისთავის სახელობის გორის სახელმწიფო პროფესიულ დრამატულ თეატრში გაიმართა.
პოეტური კრებულის ავტორის გარდა, 2025 წელს ლიტერატურული პრემია ,,მაჩაბელის“ ლაურეატები გამოვლინდა ნომინაციებში:
საუკეთესო პიესა;
საუკეთესო კრიტიკულ/ესეისტური/პუბლიცისტური წერილი/კრებული;
საუკეთესო პოეტური/პროზაული ქართული თარგმანი.
გორის მუნიციპალიტეტის მერია კონკურს ,,მაჩაბელის“ ტრადიციული სპონსორია და კონკურსის ერთ-ერთ ნომინაციაში გამარჯვებულს ,,გორის მუნიციპალიტეტის კულტურული ღონისძიებების პროექტების ხელშეწყობისა და თანადაფინანსების პროგრამის“ ფარგლებში აფინანსებს.
კონკურსი ,,მაჩაბელი“ გორის სახელმწიფო უნივერსიტეტის პროექტია და მეხუთე წელია, იმართება.
კონკურსის მიზანია რეგიონის კულტურულ-შემოქმედებითი ცხოვრების გამრავალფეროვნება და ახალგაზრდებში ლიტერატურის პოპულარიზაცია.