თანხის გადახდა [ხაზარაძე-ჯაფარიძეს] მოუწევთ მათ ჰოლანდიურ პარტნიორს და შეიძლება მათი დღევანდელი განცხადების ქვეტექსტი ისიც ყოფილიყო პარტნიორის მიმართ, რომ ჩვენ არაფერ შუაში ვართ, დავა შენ წააგე და თანხა შენ გადაიხადეო, – განაცხადა იუსტიციის მინისტრის მოადგილე ბექა ძამაშვილმა, „ანაკლიის პორტის საქმესთან“ დაკავშირებით ვაშინგტონის საარბიტრაჟო სასამართლოს გადაწყვეტილებასთან დაკავშირებით.
„თანხის გადახდა [ხაზარაძე-ჯაფარიძეს] მოუწევთ მათ ჰოლანდიურ პარტნიორს და შეიძლება მათი დღევანდელი განცხადების ქვეტექსტი ისიც ყოფილიყო პარტნიორის მიმართ, რომ ჩვენ არაფერ შუაში ვართ, დავა შენ წააგე და თანხა შენ გადაიხადეო. თუ თანხას არ გადაიხდის 30 დღის ვადაში მათი ჰოლანდიელი პარტნიორი, სახელმწიფო მიმართავს შესაბამის სამართლებრივ ზომებს და იძულების წესით მოხდება ამ თანხის გადახდევინება. დღეს რა გამიჯვნის მცდელობაც იყო მათი მხრიდან, სახელმწიფოს მიმართ კი არ იყო გზავნილი, შეიძლება გზავნილი იყო მათი ყოფილი პარტნიორის მიმართაც, რომ დავა წავაგეთ და არაფერ შუაში ვართ, შენ თავს შენვე მიხედეო“, – აღნიშნა ძამაშვილმა.