თბილისის განვითარების ფონდი ავარიული სახლების ჩანაცვლების პროექტის ფარგლებში სამგორის რაიონში, კალოუბნის ქ. N 18-ში ახალი საცხოვრებელი კორპუსის მშენებლობას ახორციელებს. ინფორმაციას თბილისის მერია ავრცელებს.
დედაქალაქის მერიის ცნობით, სამუშაოები აქტიურ რეჟიმში მიმდინარეობს და 2025 წლის ბოლომდე დასრულდება.
„აღნიშნულ მისამართზე არსებული სამსართულიანი ავარიული შენობის სრული დემონტაჟი განხორციელდა და, მის ნაცვლად, მრავალბინიანი, 10-სართულიანი საცხოვრებელი კორპუსი შენდება. პროექტის შედეგად ფართებით დაკმაყოფილდება 29 ოჯახი.
სამშენებლო სამუშაოებს შპს „ბიქეი ქონსთრაქშენი“ ასრულებს და ღირებულება 7 659 154.00 ლარია.
მიმდინარე ეტაპზე ხორციელდება შემდეგი სახის სამშენებლო/სარემონტო სამუშაოები: კორპუსის ფასადზე მოსამზადებელი სამუშაოები, სადარბაზოს სივრცეებში შპაკლობითი სამუშოების განხორციელება და კერამიკული ფილების დაგება, ასევე თაბაშირ-მუყაოს კონსტრუქციულ ელემენტებზე დამუშავება.
პროექტის მიზანია მცხოვრებლებისთვის უსაფრთხო და კომფორტული საცხოვრებელი პირობების შექმნა, ქალაქის განაშენიანების გაუმჯობესება და სივრცითი განვითარების ხელშეწყობა“, – აღნიშნულია მერიის ინფორმაციაში.