საქართველოში ისრაელის ახალ ელჩად ვალიდ აბუ ჰაია დაინიშნა. როგორც საქართველოში ისრაელის საელჩო წერს, ჰაიამ რწმუნებეათა სიგელების ასლები საქართველოს საგარეო საქმეთა სამინისტროს დიპლომატიური პროტოკოლის დირექტორატის დირექტორს, ზურაბ დარჩიაშვილს გადასცა.
„დანიშნული ელჩი აბუ ჰაია, რომელიც დრუზი ისრაელელია, თავის მისიას იწყებს ურყევი მზადყოფნით, რათა კიდევ უფრო განამტკიცოს მეგობრობა და პარტნიორობა ისრაელსა და საქართველოს შორის“, – წერს ისრაელის საელჩო სოციალურ ქსელში.
ცნობისთვის, ვალიდ აბუ ჰაიამ ელჩის თანამდებობაზე ჰადას მეიცადი შეცვალა. მეიცადი ელჩის თანამდებობას 2022 წლიდან იკავებდა.
კომენტარები