ის, რომ კუპრაძე აირჩიეს კანდიდატად, ნიშნავს იმას, რომ მათ არანაირი რესურსი არ გააჩნიათ. ოპოზიციის ეს ფლანგი, რომელიც არჩევნებში აპირებს მონაწილეობას მიღებას, არის უსუსტესი, – განაცხადა საპროცედურო საკითხთა და წესების საპარლამენტო კომიტეტის თავმჯდომარე დავით მათიკაშვილმა.
დეპუტატის თქმით, 4 ოქტომბრის არჩევნებზე ოპოზიციას ფიასკო ელის.
„რუსეთთან რადიკალების კავშირი არ არის ახალი ამბავი ჩვენთვის. ჩვენ გვახსოვს ელენე ხოშტარიას რუბლები, რომელიც რუსეთის სახელმწიფო ბიუჯეტიდან მოედინება. ასევე, ნამდვილად არ გამიკვირდება თუკი ასეთ კავშირებს კვლავაც ვნახავთ იმ პირებთან, ვინც რადიკალების საყრდენია დღეს საქართველოში. თუმცა, ის, რომ კუპრაძე აირჩიეს კანდიდატად, ნიშნავს იმას, რომ მათ არანაირი რესურსი არ გააჩნიათ. ოპოზიციის ეს ფლანგი, რომელიც არჩევნებში აპირებს მონაწილეობას მიღებას, არის უსუსტესი. რეალურად მათი შედეგი არის ფიასკო, რომელიც 4 ოქტომბერს გაფორმდება ქართველი ხალხის გადაწყვეტილებით“, – განაცხადა მათიკაშვილმა.
გახარია-ხაზარაძის მერობის კანდიდატი საზოგადოებაში ნდობის მოსაპოვებლად ე.წ. ტროლებს იყენებს. ყალბი ანგარიშები სოციალურ ქსელში აჩვენებს, რომ ადამიანები, რომლებიც ირაკლი კუპრაძეს ვითომდა მხარს უჭერენ, სხვა სახელითა და გვარებით რუსულენოვან გვერდებზე იძებნებიან.