კულტურის საპარლამენტო კომიტეტის თავმჯდომარე გიორგი გაბუნია ფონდ „იავნანადან“ პაატა ბურჭულაძის ცოლისთვის თანხის სავარაუდო გადახდის საკითხს გამოეხმაურა.
გაბუნია მიიჩნევს, რომ ფონდთან დაკავშირებით ბურჭულაძის საქმიანობა შესწავლილი უნდა იყოს.
„საზოგადოებისთვის ცნობილია, რომ ამ ფონდის მიერ მოპოვებული სოლიდური თანხები წლების განმავლობაში არაკეთილსინდისიერად იხარჯებოდა. გულწრფელად რომ გითხრათ, მეცოდება ეს ადამიანი და ჩემთვის საცოდაობაა ამ კაცის ყურება. ადამიანი, რომელიც ერთ დროს იყო წარმატებული ხელოვანი, დღეს ვხედავთ, როგორი ხელმოცარული და სასაცილოდ არის ქცეული პოლიტიკაში. ამიტომ ვფიქრობთ, რომ ფონდთან დაკავშირებით მისი საქმიანობა უნდა იყოს შესწავლილი”, – განაცხადა გიორგი გაბუნიამ.
უხდის თუ არა პაატა ბურჭულაძე ფონდ „იავნანიდან“ თავის მეუღლეს, ხუთი ათას ლარს. „ქრონიკა“ პაატა ბურჭულაძესთან დაკავშირებას ცდილობს.