ჩვენ ვთანამშრომლობთ მშვიდობასთან, ეკონომიკურ განვითარებასთან, ტრადიციებთან, ვთანამშრომლობთ იმ ევროპულ, ამერიკულ და საერთაშორისო ინსტიტუტებთან, რომლებიც საქართველოს დემოკრატიულ პროცესს ყოველ კვირა აფასებენ, – ამის შესახებ „ხალხის ძალის“ წევრმა, გურამ მაჭარაშვილმა განაცხადა.
მისი თქმით, კორუფციასთან ბრძოლაში საქართველო ოცეულშია, უკრაინა, როგორც კორუფციული ქვეყანა, პირველ ადგილზეა და მოლდოვა – მესამეზე, როგორ უნდა ვითანამშრომლოთ ქვეყნებთან, რომლებიც საერთაშორისო ორგანიზაციამ აღიარა, როგორც კორუფციონერი ქვეყანა.
„ევროსაბჭოს განცხადებებში სამწუხაროდ, არასდროს არის კონკრეტიკა. რას ნიშნავს თანამშრომლობა? თანამშრომლობა ნიშნავს, რომ აქ მეორე ფრონტი გავხსნათ, ლგბტ პროპაგანდა გავაჩაღოთ ბაღებსა და სკოლებში? ალბათ, ამაზეა საუბარი. თურმე, „გამჭვირვალობის შესახებ“ კანონი არ უნდა გვქონდეს. ყველას უნდა ჰქონდეს და საქართველოში არ უნდა ვიცოდეთ, სად იხარჯება უცხოური ფული?ნურას უკაცრავად. ლგბტ პროპაგანდა უნდა იყოს ტრადიციების ნაცვლად, ნურას უკაცრავად. მეორე ფრონტი უნდა გაიხსნას მშვიდობის ნაცვლად? ნურას უკაცრავად. ამას თუ გულისხმობენ და სავარაუდოდ, ამას გულისხმობენ, ეს არ არის თანამშრომლობა, ეს არის მტრობა. ამას თავისი სახელი ჰქვია, ქართველმა ხალხმა დაარქვა და 4 ოქტომბერს კიდევ ერთხელ დაარქმევს. ჩვენ ვთანამშრომლობთ მშვიდობასთან, ეკონომიკურ განვითარებასთან, ტრადიციებთან და სხვათა შორის, ვთანამშრომლობთ იმ ევროპულ, ამერიკულ და საერთაშორისო ინსტიტუტებთან, რომლებიც საქართველოს დემოკრატიულ პროცესს ყოველ კვირა აფასებენ. კორუფციასთან ბრძოლაში ოცეულში ვართ, უკრაინა, როგორც კორუფციონერი ქვეყანა, პირველ ადგილზეა და მოლდოვა – მესამეზე. ასეთი ქვეყნები რომ გეტყვიან, ჩვენთან ითანამშრომლეო, როგორ უნდა ვითანამშრომლოთ იმ ქვეყნებთან, რომლებიც საერთაშორისო ორგანიზაციამ აღიარა, როგორც კორუფციონერი ქვეყანა“, – განაცხადა გურამ მაჭარაშვილმა.