საინფორმაციო ცენტრ “09”-ს დამფუძნებელი, ივიკო გოგიჩაიშვილი, “ექსკლუზივ ნიუსთან” საუბარში აცხადებს, რომ სოსო თოფურიძის დეიდაშვილმა, გიორგი ქოჩლაძემ “08”, მისგან მოპარული საინფორმაციო ბაზით შექმნა.
„09“-ს ყოფილი დირექტორი, გიორგი ქოჩლაძე, რომელიც მე დავნიშნე თანამდებობაზე, სამსახურიდან წასვლის შემდეგ, ჩემგან მოპარული ბაზებით, სხვადასხვა სახელით, ხსნიდა სხვადასხვა ორგანიზაციებს. ბოლოს კომპანია „ჯეოცნობარი“ გახსნა. ჩემგან მოიპარა საინფორმაციო ბაზა, გახსნა იდენტური სამსახური, გათამაშებების პროგრამა წაშალა და თანამშრომლები მოატყუა, შევიდა დარბაზში, განაცხადა მივდივარ სამსახურიდან და ჩემები ვინც ხართ გამომყევითო, უამრავი ადამიანი დატოვა ქუჩაში. მაქვს მათი ახსნა განმარტებები, რომელიც სამსახურში დაბრუნების დროს დაწერეს და პატიებას ითხოვდნენ.
მათ გაუშვეს რეკლამები, თითქოს „08“ ნახევარ ფასად გასცემდა ინფორმაციას, რაც არასწორი და ტყუილი იყო. რეალურად კი, ჩემთან სამი ინფორმაციის მიღება შეიძლებოდა იგივე ფასად. მართალია, ის რეკლამა არაფერს არ მაკლებდა, მაგრამ სამართლებრივად მინდოდა სიმართლე ეთქვა „08“-ს რეკლამაში, ეს პირდაპირ იყო სარეკლამო კანონის დარღვევა, მესამედ ფასში ჩემი მომსახურება გამოდიოდა და არა მისი ნახევარ ფასად. როგორც ამას ისინი აცხადებდნენ. ასევე, მოხდა ის ფაქტი, რომ ჩემი მოწილე, რომელიც თავად შემოვიყვანე წილში, მიშა სააკაშვილის, ალალი ბიძაშვილი ნიკა ალასანია, უჩემოდ წავიდა კობა ნაყოფიასთან მოლაპარაკებებზე. სადაც ნაყოფიამ უთხრა ნიკას: – ბიჭო შენ იცი რას გეტყვი, 3 კი არა, 14 მილიონი რომ დამჭირდეს „09“-ს მაინც წავართმევ მეპატრონესო. ეს მომიყვა თავად ნიკამ”-აცხადებს გოგიჩაიშვილი.
