“მივესალმებით ღაზაში ცეცხლის შეწყვეტის შეთანხმებას, როგორც საკვანძო და იმედისმომცემ გადაწყვეტილებას გრძელვადიანი სტაბილურობისკენ მიმავალ გზაზე”

საქართველოს პრეზიდენტი მიხეილ ყაველაშვილი ღაზაში ცეცხლის შეწყვეტის შესახებ შეთანხმებას მიესალმება და იმედს იტოვებს, რომ ეს შეთანხმება არ იქნება მყიფე და გახდება გრძელვადიანი, სტაბილური მშვიდობის დასაწყისი.

„მივესალმებით ღაზაში ცეცხლის შეწყვეტის შეთანხმებას, როგორც საკვანძო და იმედისმომცემ გადაწყვეტილებას გრძელვადიანი რეგიონული სტაბილურობისკენ მიმავალ გზაზე. ვიმედოვნებ, რომ ეს შეთანხმება არ იქნება მყიფე და გახდება გრძელვადიანი, სტაბილური მშვიდობის დასაწყისი როგორც ახლო აღმოსავლეთში, ასევე იქნება ბიძგის მიმცემი სხვა, კონფლიქტური რეგიონებისთვის, რათა დიპლომატიას ჰქონდეს მთავარი როლი მშვიდობის დასამყარებლად“, – წერს საქართველოს პრეზიდენტი სოციალურ ქსელში.