თეთრ სახლში ჟურნალისტებთან საუბრისას, აშშ-ის პრეზიდენტმა, დონალდ ტრამპმა განაცხადა, რომ ინდოეთის პრემიერ-მინისტრმა, ნარენდრა მოდიმ მას აუწყა, რომ ინდოეთი შეაჩერებს რუსული ნავთობის იმპორტს.
„ის ჩემი მეგობარია, ჩვენ შესანიშნავი ურთიერთობა გვაქვს… ჩვენ შესანიშნავი ურთიერთობა გვაქვს. ჩვენ არ მოგვწონდა, რომ ის რუსეთისგან ნავთობს ყიდულობდა, რადგან ეს რუსეთს აძლევდა საშუალებას გაეგრძელებინა ეს ომი“, – აღნიშნა აშშ-ის პრეზიდენტმა.
„არ მომწონდა, რომ ინდოეთი [რუსეთისგან] ნავთობს ყიდულობდა და მან დღეს პირობა მომცა, რომ ისინი აღარ შეიძენენ ნავთობს რუსეთისგან. ეს დიდი ნაბიჯია. ახლა ჩვენ უნდა დავარწმუნოთ ჩინეთიც, რომ იგივე გააკეთოს“, – დასძინა მან.
კომენტარები