ბულგარეთი მზადაა, პუტინს ბუდაპეშტში ტრამპთან შესახვედრად საჰაერო დერეფანი შესთავაზოს, – როგორ „ევრაქტივი“ წერს, ამის შესახებ ბულგარეთის საგარეო საქმეთა მინისტრმა, გეორგ გეორგიევმა განაცხადა.
მისი თქმით, ბულგარეთი ვლადიმერ პუტინის თვითმფრინავს ქვეყნის საჰაერო სივრცეში ფრენის უფლებას მისცემს, რათა ხელი შეუწყოს რუსეთის პრეზიდენტსა და აშშ-ის ლიდერს შორის ამ თვის ბოლოს ბუდაპეშტში დაგეგმილი შეხვედრის ჩატარებას.
„როდესაც მშვიდობის მისაღწევად ძალისხმევა იხარჯება, თუ ამის პირობა ასეთი შეხვედრის ჩატარებაა, ყველაზე ლოგიკურია, რომ ასეთი შეხვედრა ყველა შესაძლო გზით იყოს განხორციელებული. როგორ იგეგმება შეხვედრა, თუ ერთ-ერთ მონაწილეს არ შეუძლია დასწრება?“ – განაცხადა გეორგიევმა.
ამასთან, მისივე თქმით, მოსკოვს ამ საკითხთან დაკავშირებით ბულგარეთისთვის ჯერჯერობით არ მიუმართავს.
როგორც გამოცემა წერს, ბულგარეთს არ ესაზღვრება უნგრეთი, თუმცა უნგრეთი და ბულგარეთი ესაზღვრებიან სერბეთს, რომელსაც მოსკოვთან მჭიდრო ისტორიული კავშირები აქვს და ბუდაპეშტში მიმავალ გზაზე ბულგარეთის გავლა პუტინის ფრენის დროს მნიშვნელოვნად შეამცირებს.
ბულგარეთი და უნგრეთი ამჟამად სისხლის სამართლის საერთაშორისო სასამართლოს წევრები არიან, რომელსაც რუსეთის პრეზიდენტის, ვლადიმერ პუტინის დაკავების ორდერი აქვს გაცემული.