აშშ-ის პრეზიდენტმა, დონალდ ტრამპმა განაცხადა, რომ „100%-ით მზად იქნება“ კიმ ჩენ ინს აზიაში ვიზიტის ფარგლებში შეხვდეს.
მან ჟურნალისტებს Air Force One-ის ბორტზე განუცხადა, რომ ჩრდილოეთ კორეელ კოლეგასთან „ძალიან კარგი ურთიერთობა“ აქვს და მათ მოუწოდა, „გაავრცელონ ეს სიტყვა“.
ტრამპი პირველი მოქმედი ამერიკელი პრეზიდენტი გახდა, რომელმაც 2019 წელს, მისი პირველი საპრეზიდენტო ვადის დროს, ჩრდილოეთ კორეის საზღვარი გადაკვეთა.
მას შემდეგ ორი ლიდერი ერთმანეთს არ შეხვედრია. თეთრი სახლის ცნობით, ტრამპის ხუთდღიანი ვიზიტის ფარგლებში, რომლის დროსაც ის მალაიზიის, იაპონიისა და სამხრეთ კორეის ლიდერებს შეხვდება, კიმ ჩენ ინთან შეხვედრა დაგეგმილი არ არის.
კომენტარები