აშშ-ის საიმიგრაციო სამსახურმა ბრიტანელი ჟურნალისტი სამი ჰამდი დააკავა. ამის შესახებ „ბიბისი“ წერს.
მედიის ცნობით, ჰამდი ამერიკაში ტურნეს ფარგლებში იმყოფებოდა და სიტყვით უნდა გამოსულიყო, საიმიგრაციო სამსახურმა კი დააკავა და ვიზა გაუუქმა. სახელმწიფო დეპარტამენტში ამტკიცებენ, რომ ჰამდი მხარს უჭერს ტერორიზმს და საფრთხეს უქმნის ეროვნულ უსაფრთხოებას.
„ჩვენ ეს ადრეც ვთქვით და კვლავ გავიმეორებთ: შეერთებულ შტატებს არ აქვს ვალდებულება, უმასპინძლოს უცხოელებს, რომლებიც მხარს უჭერენ ტერორიზმს და აქტიურად ძირს უთხრიან ამერიკელების უსაფრთხოებას“, – განაცხადა სახელმწიფო დეპარტამენტმა X-ზე გამოქვეყნებულ პოსტში.
სახელმწიფო დეპარტამენტმა ასევე აღნიშნა, რომ გააგრძელებს ვიზების გაუქმებას იმ პირებისთვის, რომლებიც ჩართული არიან მსგავს საქმიანობაში. „ბიბისი“ წერს, რომ ჰამდი ისრაელს საჯაროდ აქტიურად აკრიტიკებდა.