უკრაინის პრეზიდენტმა, ვოლოდიმირ ზელენსკიმ განაცხადა, რომ უკრაინას ევროპის ფინანსური მხარდაჭერა სჭირდება, რათა რუსულ ძალებთან ბრძოლა კიდევ ორი ან სამი წლის განმავლობაში გააგრძელოს. ინფორმაციას ამის შესახებ Fance 24-ი ავრცელებს.
„მე ეს კიდევ ერთხელ ხაზგასმით აღვნიშნე ყველა ევროპელი ლიდერისთვის. მე მათ ვუთხარი, რომ ჩვენ ათწლეულების განმავლობაში არ ვაპირებთ ბრძოლას, მაგრამ თქვენ უნდა აჩვენოთ, რომ გარკვეული დროის განმავლობაში შეძლებთ უკრაინისთვის სტაბილური ფინანსური მხარდაჭერის უზრუნველყოფას“, – აღნიშნა უკრაინის ლიდერმა.
„და სწორედ ამიტომ აქვთ მათ მხედველობაში ეს პროგრამა – 2-3 წელი“, – განაცხადა ზელენსკიმ.
ის გულისხმობდა ბრიუსელის გეგმებს რუსეთის გაყინული აქტივების კიევისთვის დასახმარებლად გამოყენებასთან დაკავშირებით.
„თუ ომი ერთ თვეში დასრულდება, ამ ფულს აღდგენაზე დავხარჯავთ. თუ ერთ თვეში არ დასრულდება, არამედ გარკვეული დროის შემდეგ, მაშინ მას იარაღზე დავხარჯავთ. ჩვენ უბრალოდ სხვა არჩევანი არ გვაქვს“, – დასძინა მან.