სამხრეთ კორეაში ჩინეთის პრეზიდენტის, სი ძინპინისა და აშშ-ის პრეზიდენტის, დონალდ ტრამპის შეხვედრა გაიმართა.
შეხვედრის დაწყებამდე ჩინეთის ლიდერმა თქვა, რომ დიდი სიამოვნებაა დონალდ ტრამპის ხილვა.
ჩინეთის პრეზიდენტმა განაცხადა, რომ დონალდ ტრამპთან, ხელახალი არჩევის შემდეგ, სამჯერ ჰქონდა სატელეფონო საუბარი და მიმოწერა.
„ეს ნორმალურია, რომ მსოფლიოს ორ წამყვან ეკონომიკას აქვს დაპირისპირება დროდადრო. ბევრჯერ ვთქვი საჯაროდ, რომ ჩინეთი და შეერთებული შტატები უნდა იყვნენ პარტნიორები და მეგობრები. ამას ისტორია გვასწავლის და ამას რეალობა მოითხოვს“, – აღნიშნა სი ძინპინმა და დასძინა, რომ ორივე ქვეყანამ უნდა „განაგრძოს სვლა სწორი კურსით“.
კომენტარები