აჭარის საპატრულო პოლიციის ხელმძღვანელი კახა ბუხრაძე თანამდებობიდან გაათავისუფლეს. ამის შესახებ ინფორმაცია „კვირას“ შს სამინისტროში დაუდასტურეს. თუმცა უწყების პრესსამსახურში განმარტავენ, რომ კახა ბუხრაძე საპატრულო პოლიციაში მიმდინარე საკადრო ცვლილების საფუძველზე, სხვა რეგიონში გააგრძელებს მუშაობას.
„საქართველოს მასშტაბით, საპატრულო პოლიციაში მიმდინარეობს როტაცია და საკადრო გადაადგილება, რის საფუძველზეც, კახა ბუხრაძე დაინიშნა საპატრულო პოლიციის დეპარტამენტის ქვემო ქართლის სამმართველოს უფროსად“, – აცხადებენ შს სამინისტროში.
შეგახსენებთ, რომ 30 მაისს, შს მინისტრმა, გიორგი მღებრიშვილმა შსს-ს საპატრულო პოლიციის დეპარტამენტის დირექტორის თანამდებობაზე ალექსანდრე ხვადაგიანი დანიშნა.
კომენტარები