ზაალ უდუმაშვილი ადასტურებს, რომ „ნაციონალური მოძრაობისგან“ მიიღო შეთავაზება, კენჭი იყაროს თბილისის მერის არჩევნებში. ამის შესახებ ჟურნალისტებს უდუმაშვილმა კიევიდან დაბრუნების შემდეგ თბილსის საერთაშორისო აეროპორტში განუცხადა.
„მე სამწუხაროდ ბევრს ვერაფერს გეტყვით, ვადასტურებ, რომ მაქვს შეთავაზება, რომ კანდიდატურა დავაყენო თბილისის მერის პოსტზე და მივიღო არჩევნებში მონაწილეობა, თუმცა გადაწყვეტილებას უახლოეს დღეებში გამოვაცხადებ ოფიციალურად.
ეს შეთავაზება არის „ნაციონალური მოძრაობისგან“.
უკრაინაში პარტიის ლიდერებთან მქონდა შეხვედრა და მათ შორის მიხეილ სააკაშვილთან“, – განაცხადა ზაალ უდუმაშვილმა.
კომენტარები