“ბიბისის“ თანამდებობის პირები ყველა გადადგა, ისინი არიან არაკეთილსინდისიერი ადამიანები, ყველაფერთან ერთად არიან უცხო ქვეყნიდან”

აშშ-ის პრეზიდენტი დონალდ ტრამპი აცხადებს, რომ „ბიბისის“ თანამდებობის პირები მისი „სრულყოფილი გამოსვლის“ გაყალბების გამო გადადგნენ.

მისი თქმით, „ბიბისის“ ხელმძღვანელმა პირებმა, რომლებმაც რამდენიმე საათის წინ თანამდებობები დატოვეს, საპრეზიდენტო არჩევნების შედეგზე გავლენის მოხდენა სცადეს.

„„ბიბისის“ წამყვანი თანამდებობის პირები, მათ შორის ხელმძღვანელი ტიმ დეივი, ყველა თანამდებობიდან გადადგა/გათავისუფლებულია, რადგან გამოიჭირეს 6 იანვრის ჩემი ძალიან კარგი (სრულყოფილი!) გამოსვლის „გაყალბებაში“. მადლობა The Telegraph-ს ამ კორუმპირებული „ჟურნალისტების“ გამოაშკარავებისთვის. ესენი არიან არაკეთილსინდისიერი ადამიანები, რომლებმაც სცადეს საპრეზიდენტო არჩევნების შედეგზე გავლენის მოხდენა. ყველაფერთან ერთად, ისინი უცხო ქვეყნიდან არიან; ქვეყნიდან, რომელსაც ბევრი ჩვენს ნომერ პირველ მოკავშირედ მიიჩნევს. რა საშინელი რამ არის ეს დემოკრატიისთვის“, – წერს ტრამპი სოციალურ ქსელში.

ცნობისთვის, „ბიბისის“ გენერალურმა დირექტორმა, ტიმ დეივიმ და ახალი ამბების აღმასრულებელმა დირექტორმა, დებორა ტერნესმა თანამდებობები დატოვეს მას შემდეგ, რაც კორპორაცია BBC Panorama-ს დოკუმენტური ფილმის გამო გააკრიტიკეს. ფილმში აშშ-ის პრეზიდენტის, დონალდ ტრამპის გამოსვლა შეცდომით იყო დამონტაჟებული.