რუსეთმა დონეცკის ოლქში პოკროვსკთან ახლოს 150 ათასამდე ჯარისკაცი გადაისროლა, – განაცხადა უკრაინის შეიარაღებული ძალების მთავარსარდალმა ოლექსანდრ სირსკიმ The New York Post-თან ინტერვიუში.
სირსკის განცხადებით, საერთო ჯამში რუსეთს უკრაინაში 700 ათასი ჯარისკაცი ჰყავს განლაგებული. პოკროვსკს რუსეთი მექანიზებული ქვედანაყოფებით და საზღვაო ქვეითების ოთხი ბრიგადის მხარდაჭერით უტევს.
მისი თქმით, უკრაინელი ჯარისკაცები დასახლებულ პუნქტებში თავდაცვას აძლიერებენ, რის გამოც რუსულ სამხედრო ტექნიკას, მათ შორის ტანკებს მანევრირება უჭირს.
სირსკიმ უარყო რუსული მხარის მიერ გავრცელებული ინფორმაცია პოკროვსკის ალყაში მოქცევის შესახებ. მისი განცხადებით, ორი თვის განმავლობაში რუსული არმიის შტურმმა შედეგები ვერ მოიტანა, ხოლო სექტემბერში უკრაინელები კონტრშეტევაზე გადავიდნენ და დაახლოებით 13 ათასი რუსი ჯარისკაცი მოკლეს და 427,3 კვადრატული კილომეტრის ფართობი გაათავისუფლეს.