აზერბაიჯანის პრეზიდენტმა ილჰამ ალიევმა თურქ კოლეგას რეჯეფ თაიფ ერდოღანს სამძიმრის წერილი მიწერა საქართველოში თურქული სამხედრო თვითმფრინავის კატასტროფის გამო. ინფორმაციას აზერბაიჯანული მედია ავრცელებს.
„პატივცემულო ბატონო პრეზიდენტო, ძვირფასო ძმაო, თურქეთის სამხედრო-საჰაერო ძალების კუთვნილი თვითმფრინავის ამბავმა, რომელიც განჯიდან გამოფრინდა და საქართველოში ჩამოვარდა, და რის შედეგადაც სამხედრო მოსამსახურეები დაიღუპნენ, ძალიან შეგვძრა“, – წერს ალიევი ერდოღანს.
ცნობისთვის, საქართველო-აზერბაიჯანის საზღვართან სამხედრო თვითმფრინავის ჩამოვარდნის შესახებ ინფორმაცია ცოტა ხნის წინ გავრცელდა. ტელეკომპანია „იმედმა“ კატასტროფის ამსახველი ვიდეოკადრები მოიპოვა.
მომხდარზე ოფიციალური ინფორმაცია უკვე გაავრცელა საქართველოს შინაგან საქმეთა სამინისტრომ.
კომენტარები