საფრანგეთის სასამართლომ სოციალური ქსელის, „ტელეგრამის“ დამფუძნებელ პაველ დუროვს ქვეყნის დატოვების აკრძალვა მოუხსნა.
შესაბამის ინფორმაციას ფრანგული გამოცემა Le Monde წყაროებზე დაყრდნობით ავრცელებს.
წარმოშობით რუსი ბიზნესმენი პარიზში 2024 წლის აგვისტოში დააკავეს, რის შემდეგაც ის გირაოს სანაცვლოდ გაათავისუფლეს და საფრანგეთის დატოვება აუკრძალეს.
საფრანგეთში მის წინააღმდეგ მიმდინარეობს გამოძიება მისი პლატფორმის დანაშაულებრივ საქმიანობასთან კავშირთან დაკავშირებით. საუბარია ფინანსურ საქმეებზე, კიბერდანაშაულებზე, ბავშვთა პორნოგრაფიასა და სხვა საქმეებზე.
იუსტიციის სამინისტროში ფრანგულ მედიასთან აცხადებენ, რომ ბოლო ერთი წლის განმავლობაში დუროვი სრულად იცავდა სასამართლო ზედამხედველობის მოთხოვნებს.
კომენტარები