ისრაელის პრემიერ-მინისტრი ბენიამინ ნეთანიაჰუ აცხადებს, რომ ნიუ იორკის ახალარჩეული მერის, ზოჰრან მამდანის მუქარის არ ეშინია.
ბენიამინ ნეთანიაჰუმ ავსტრალიურ მედიასთან ინტერვიუში ასევე განაცხადა, რომ მამდანის იმ შემთხვევაში ესაუბრება, თუ იგი განათლებას მიიღებს.
„მეშინია ნიუ იორკში წასვლის? არა. რა თქმა უნდა, არა. კარგია იყო ახალგაზრდა ლიდერი, მაგრამ არ არის კარგი, იყო ახალგაზრდა გაუნათლებელი ლიდერი იმ გაგებით, რომ არ იცოდე ეკონომიკა, არ იცოდე, რა არის ანტისემიტიზმი, ვინ არიან ბოროტმოქმედები. ვფიქრობ, ზოჰრან მამდანიმ განათლება უნდა გაიუმჯობესოს, შემდეგ შეიძლება საუბარი გვქონდეს“, – განაცხადა ნეთანიაჰუმ.
ცნობისთვის, ზოჰრან მამდანიმ ისრაელის მოქმედ ხელისუფლებას „აპერტეიდის რეჟიმი“ უწოდა, ხოლო ღაზის სექტორში ომს კი – „გენოციდი“. წინასაარჩევნო კამპანიის დროს მამდანიმ განაცხადა, რომ ბენიამინ ნეთანიაჰუ ნიუ იორკში თუ ჩავა, მას დააკავებენ. მართლმსაჯულების საერთაშორისო სასამართლომ ბენიამინ ნეთანიაჰუს დაკავების ორდერი 2024 წლის 21 ნოემბერს გასცა.