ოპოზიციაში არსებული ქაოსი იმაზე მეტყველებს, რომ მათი პატრონები ჯერ ჩამოყალიბებული არ არიან, ერთმანეთის ჭამა დაიწყეს, ერთმანეთს ვერ იტანენ, – ამის შესახებ თავდაცვისა და უსაფრთხოების კომიტეტის თავმჯდომარის პირველმა მოადგილემ თენგიზ შარმანაშვილმა განაცხადა.
მისი თქმით, რევოლუციის მცდელობა წყალში ჩაუვარდათ, ხელოვნური გაერთიანებებიც არ მუშაობს.
„ოპოზიციაში არსებული ქაოსი იმაზე მეტყველებს, რომ მათი პატრონები ჯერ ჩამოყალიბებული არ არიან. როცა ისინი ყალიბდებიან, შემდეგ რატომღაც ყველას ავიწყდება, რომ ერთმანეთს მიწაში დებენ. დოკუმენტებს ერთად ხელს აწერენ და მომავალ კოალიციურ მთავრობაზე ლაპარაკობენ ხოლმე. რევოლუციის მცდელობა წყალში ჩაუვარდათ, ხელოვნური გაერთიანებებიც არ მუშაობს და ახლა ერთმანეთის ჭამა დაიწყეს. ეს ადამიანები ერთმანეთს ვერ იტანენ. როცა იქიდან უბრძანებენ, მაშინ ერთიანდებიან ხოლმე. ასეთი გაერთიანებები ყოველთვის დროებითია, არაპროდუქტიული და ისე მთავრდება, როგორც ახლა დასრულდა“, – განაცხადა თენგიზ შარმანაშვილმა.