აშშ-ის პრეზიდენტი დონალდ ტრამპი თეთრ სახლთან ახლოს ეროვნული გვარდიის ორი ჯარისკაცის დაჭრის ფაქტს ეხმაურება.
როგორც დონალდ ტრამპი სოციალურ ქსელში წერს, თავდამსხმელი თავადაც მძიმედაა დაჭრილი.
„ცხოველი, რომელმაც ესროლა ეროვნული გვარდიის ორ წევრს, რომლებიც მძიმე მდგომარეობაში არიან და ორ სხვადასხვა საავადმყოფოში იმყოფებიან, თვითონაც მძიმედ არის დაჭრილი, მაგრამ მიუხედავად ამისა, ძალიან მაღალ საფასურს გადაიხდის“, – განაცხადა ტრამპმა.
ცნობისთვის, თეთრ სახლთან ახლოს ეროვნული გვარდიის ორი ჯარისკაცი ცეცხლსასროლი იარაღით დაჭრეს. პოლიციაში განაცხადეს, რომ ეჭვმიტანილი დაკავებულია და შემთხვევის ადგილი უსაფრთხოა.
როგორც მედია წერს, აშშ-ის პრეზიდენტი დონალდ ტრამპი სროლის დროს უესტ პალმ ბიჩის გოლფის მოედანზე იმყოფებოდა.
კომენტარები