აშშ-ის სახელმწიფო მდივანი მარკო რუბიო გეგმავს მომავალ კვირას ბრიუსელში დაგეგმილი ნატოს საგარეო საქმეთა მინისტრების შეხვედრა გამოტოვოს, ამის შესახებ Reuters-ი აშშ-ის ორი ოფიციალური პირის განცხადბებზე დაყრდნობით წერს და აღნიშნავს, რომ ტრანსატლანტიკურ შეხვედრაზე აშშ-ის უმაღლესი დონის დიპლომატის არყოფნა უჩვეულო იქნება. გამოცემის ცნობითვე, ერთ-ერთმა ოფიციალურმა პირმა, რომელმაც ანონიმურობის შენარჩუნება ითხოვა, განაცხადა, რომ ვაშინგტონს სახელმწიფო მდივნის მოადგილე კრისტოფერ ლანდაუ წარმოადგენს.
გაურკვეველია, თუ რატომ გეგმავს რუბიო 3 დეკემბრის შეხვედრის გამოტოვებას და მისი გეგმები შესაძლოა ბოლო წამს შეიცვალოს.
როგორც წესი, წელიწადში ორი ოფიციალური ნატოს შეხვედრა იმართება საგარეო საქმეთა მინისტრების დონეზე და აშშ-ის სახელმწიფო მდივნის არყოფნა უკიდურესად იშვიათია. 2017 წელს, ტრამპის პირველი ვადის დროს, მაშინდელმა სახელმწიფო მდივანი რექს ტილერსონი თავდაპირველად აპრილის შეხვედრის გამოტოვებას გეგმავდა, თუმცა შემდეგ შეხვედრა მისი გრაფიკის შესაბამისად გადაიდო.
სახელმწიფო დეპარტამენტის წარმომადგენელმა რუბიოს შესაძლო არყოფნაზე კომენტარის გაკეთებაზე უარი თქვა, თუმცა განაცხადა, რომ ნატოს ალიანსი ტრამპის ადმინისტრაციის დროს “სრულად განახლდა”.
“ამ ადმინისტრაციის მმართველობის მხოლოდ 10 თვის განმავლობაში საგარეო პოლიტიკის ისტორიული მიღწევები თავისთავად მეტყველებს”, – განაცხადა პრესსპიკერმა. ნატოს წარმომადგენელმა რუბიოს დასწრებასთან დაკავშირებით შეერთებული შტატების პოზიცია დაიკავა, თუმცა თქვა, რომ ზოგიერთი საგარეო საქმეთა მინისტრის მიერ ღონისძიების გამოტოვება უჩვეულო არ არის.
ამასთან, როგორც გამოცემა წერს, რუბიოს არყოფნა საფრთხეს უქმნის ვაშინგტონის ევროპული უსაფრთხოებისადმი ერთგულებასთან დაკავშირებულ კითხვებს, რამაც ბოლო წლებში უკვე განიცადა დარტყმა.
ლანდაუმ, აშშ-ის მეორე დიპლომატმა, რომელიც ღონისძიებას რუბიოს სახელით დაესწრება, ნატოს მნიშვნელობა ივნისში X-ზე გამოქვეყნებულ პოსტში ეჭვქვეშ დააყენა, თუმცა მოგვიანებით აღნიშნული პოსტი წაშალა.
ამასთან, აშშ-ის სახელმწიფო მდივნის ნატოს საგარეო პოლიტიკის შეხვედრაზე სავარაუდო არყოფნა უკრაინისთვის განსაკუთრებით რთულ მომენტში მოხდება. სამშვიდობო მოლაპარაკებებთან დაკავშირებული შეშფოთების გარდა, კორუფციის საწინააღმდეგო აგენტების მიერ სახლის ჩხრეკიდან რამდენიმე საათში, უკრაინის პრეზიდენტ ვოლოდიმირ ზელენსკის ადმინისტრაციის უფროსმა, ანდრეი იერმაკმა, თანამდებობა დატოვა.