საქართველოს 2026 წლის სახელმწიფო ბიუჯეტის შემოსულობების ჯამური მაჩვენებელი, პროექტის წინა ვერსიასთან შედარებით, გაზრდილია 468,6 მლნ ლარით და განისაზღვრება 30 759,4 მლნ ლარის ოდენობით, – აღნიშნულია ფინანსთა სამინისტროს მიერ გავრცელებულ ინფორმაციაში.
მათივე განცხადებით, მათ შორის, შემოსავლები 24 996,3 მლნ ლარია – (პროექტის წინა ვერსიასთან შედარებით გაზრდილია 397,3 მლნ ლარით); მათ შორის: საგადასახადო შემოსავლების პროგნოზი გაზრდილია 170,0 მლნ ლარით შეადგენს 23,200,0 მლნ ლარს.
სხვა წყაროებიდან მისაღები შემოსულობები, ჯამში, გაზრდილია 71,3 მლნ ლარით.
სახელმწიფო ბიუჯეტის ასიგნებების მოცულობა, პროექტის წინა ვერსიასთან შედარებით, გაზრდილია 405,5 მლნ ლარით და შეადგენს 30 881,4 მლნ ლარს.
კომენტარები