უკრაინის კორუფციული სკანდალი მსოფლიო მედიის ყურადღების ცენტრშია. უკრაინის პრეზიდენტის ადმინისტრაციის ყოფილ ხელმძღვანელს, სავარაუდოდ, ბრალს უახლოეს მომავალში წაუყენებენ.
სამართალდამცველებმა უკვე გაჩხრიკეს მისი სახლი. New York Post-ი წერს, რომ ანდრეი ერმაკისგან მათ შეტყობინება მიიღეს, სადაც პრეზიდენტის ოფისის ყოფილი ხელმძღვანელი წერს, რომ არ სურს, პრობლემები შეუქმნას ზელენსკის და ბრძოლის ხაზზე წასვლის გადაწყვეტილება მიიღო.
უკრაინის პრეზიდენტის ადმინისტრაციის ხელმძღვანელმა ანდრეი ერმაკმა თანამდებობა მას შემდეგ დატოვა, რაც მის ოფისში ეროვნულმა ანტიკორუფციულმა ბიურომ ჩხრეკა ჩაატარა. მისი სახელი 100 მილიონის მითვისების საქმეში, ზელენსკის გარემოცვის სხვა წევრებთან ერთად, ფიგურირებს. უკვე დაკავებულია ათობით პირი, მათ შორის ქვეყნის ყოფილი ვიცე-პრემიერი.
თანამდებობიდან გაათავისუფლეს იუსტიციისა და ენერგეტიკის მინისტრები. სკანდალის მთავარ ფიგურანტად ზელენსკის უახლოესი გარემოცვის კიდევ ერთი წევრი, თემურ მინდიჩი სახელდება, რომელმაც ქვეყანა დატოვა.