2026 წლის ბიუჯეტის პროექტის საბოლოო ვერსიაში განათლების, მეცნიერებისა და ახალგაზრდობის სამინისტროს დაფინანსება განისაზღვრა 2 702,2 მლნ ლარით, რაც პროექტის წინა ვერსიით განსაზღვრულ თანხას 89,6 მლნ ლარით აღემატება. ინფორმაციას საქართველოს ფინანსთა სამინისტრო ავრცელებს.
მათივე ცნობით, სამინისტროს ფარგლებში გათვალისწინებულია: სკოლამდელი და ზოგადი განათლება – 1 923,0 მლნ ლარი, რაც პროექტის წინა ვერსიით განსაზღვრულ თანხას 37,1 მლნ ლარით აჭარბებს. გაზრდილი დაფინანსების ფარგლებში, საპარლამენტო განხილვების დროს დაყენებული წინადადებების შესაბამისად გათვალისწინებულია საჯარო სკოლების ადმინისტრაციული პერსონალის, სკოლის ექთნებისა და მანდატურების ხელფასების 20%-იანი ზრდა, ნაცვლად მანამდე განსაზღვრული 10%-ისა.
“პროფესიული განათლება – 229,3 მლნ ლარი (გაზრდილია 14,4 მლნ ლარით);
უმაღლესი განათლება – 196,0 მლნ ლარი (გაზრდილია 4,0 მლნ ლარით);
მეცნიერებისა და სამეცნიერო კვლევების ხელშეწყობა – 90,4 მლნ ლარი;
ინკლუზიური განათლება – 101,3 მლნ ლარი (გაზრდილია 8,5 მლნ ლარით);
ახალგაზრდობის მხარდაჭერა – 21,5 მლნ ლარი (გაზრდილია 5,9 მლნ ლარით),”- წერია ინფორმაციაში.