გერმანიის ქალაქ გისენის მახლობლად პოლიციამ მომიტინგეების წინააღმდეგ წყლის ჭავლი გამოიყენა.
აქტივისტებსა და პოლიციას შორის ფიზიკური დაპირისპირებაც მოხდა.
„როიტერის“ ინფორმაციით, დემონსტრანტები ულტრამემარჯვენე პოლიტიკური პარტიის „ალტერნატივა გერმანიისთვის“ ახალი ახალგაზრდული ორგანიზაციის ლიდერის არჩევას აპროტესტებდნენ, რომელიც გისენში გაიმართა.
მედიის ცნობით, აქტივისტებმა ქალაქის გარშემო გზები 16 მიმართულებით გადაკეტეს.
პოლიციის ცნობით, საავტომობილო გზებზე, ფედერალურ და სახელმწიფო გზებზე მოძრაობა მასობრივად შეფერხდა, რის გამოც აქცია ძალის გამოყენებით დაშალეს.
კომენტარები