საგარეო საქმეთა სამინისტროსთან აქციაზე დაკავებული პირები თბილისის საქალაქო სასამართლომ გაათავისუფლა. სასამართლოს გადაწყვეტილებით, დაკავებულთაგან ერთ-ერთს 100-ლარიანი ჯარიმა შეეფარდა, მეორე დაკავებული კი სიტყვიერი გაფრთხილების საფუძველზე გათავისუფლდა.
საგარეო საქმეთა სამინისტროსთან სოსო ოსორაულის მხარდასაჭერ საპროტესტო აქციაზე ორი პირი დააკავეს. მათ აქციაზე ”ნაციონალური მოძრაობის” წევრ გიორგი ბარამიძეს სიტყვიერი შეურაცხყოფა მიაყენეს. პოლიციამ აღნიშნული პირები ადმინისტრაციულ სამართალდარღვევათა კოდექსის 166-ე მუხლით დააკავა, რაც წვრილმან ხულიგნობას გულისხმობს.
კომენტარები