უკრაინის პრეზიდენტმა ვოლოდიმირ ზელენსკიმ განაცხადა, რომ „სამშვიდობო გეგმის“ მოლაპარაკებების მონაწილეებს, აშშ-ს, რუსეთსა და უკრაინას, დონბასთან დაკავშირებით ერთიანი აზრი არ აქვთ.
ზელენსკიმ Bloombergnews-ს განუცხადა, რომ აშშ-ის გეგმის ელემენტები საჭიროებს შემდგომ განხილვას რიგი „მგრძნობიარე საკითხების“ ირგვლივ, მათ შორის არის ომის შედეგად დაზარალებული ქვეყნისთვის უსაფრთხოების გარანტიები და აღმოსავლეთ რეგიონებზე კონტროლი.
მან ასევე აღნიშნა, რომ მოლაპარაკებებზე დონბასთან დაკავშირებით ჯერჯერობით შეთანხმება არ მიღწეულა. „არსებობს აშშ-ის, რუსეთისა და უკრაინის ხედვა, თუმცა დონბასთან დაკავშირებით ჩვენ არ გვაქვს ერთიანი აზრი“, – თქვა ზელენსკიმ.
მისივე თქმით, კიევი დაჟინებით მოითხოვს უსაფრთხოების გარანტიების შესახებ ცალკე შეთანხმებას დასავლელ მოკავშირეებთან, უპირველეს ყოვლისა, აშშ-სთან.