მოსკოვის მერის ინფორმაციით, რუსეთის რეგიონების საჰაერო სივრცეში 300-მდე უკრაინული დრონი ჩამოაგდეს. მოსკოვში აეროპორტებში რეისები შვიდი საათის განმავლობაში არ სრულდებოდა.
სერგეი სობიანინის ინფორმაციით, 10 დეკემბრის საღამოდან რუსეთის საჰაერო თავდაცვის ძალებმა მოსკოვის საჰაერო სივრცეში 32 უპილოტო საფრენი აპარატი გაანადგურეს.
მოსკოვის მერს დრონების თავდასხმის შედეგებზე არ უსაუბრია. მისი თქმით, უპილოტიების ჩამოვარდნის ადგილებზე მუშაობენ საგანგებო სამსახურები.
ადგილობრივი ტელეგრამ არხები კი ავრცელებენ ცნობებს აფეთქებების შესახებ ზელენოგრადში, რამენკოეში, დუბნეში და სერგიევი პოსადში.
როსავიაციის ცნობით, დრონების თავდასხმების გამო შვიდი საათის განმავლობაში დახურული იყო მოსკოვის ყველა აეროპორტი. გაუქმდა, შეფერხდა ან სხვა აეროპოტებში გადამისამართდა 133 რეისი.
ტელეგრამ არხებში ასევე წერენ აფეთქების შესახებ ველიკი ონოვგოროდში, რის შედეგადაც ერთ-ერთ რაიონში ხანძარი გაჩნდა. ასევე იუწყებიან, რომ თავდასხმის სამიზნე გახდა მინერალური სასუქის ქარხანა „აკრონი“.
უპილოტიების თავდასხმის დროს დროებით შეზღუდვები დაწესდა ტამბოვის, იაროსლავის, ვალდიკავკაზის, გროზნის, მახაჩყალის და კალუგის აეროპორტებში.
რუსეთის თავდაცვის სამინისტროს ცნობით, რუსეთის რეგიონებში სულ დაფიქსირდა 287 უკრაინული დრონი.