ბრიტანული გაზეთი Financial Times-ი წყაროებზე დაყრდნობით წერს ახალი სამშვიდობო გეგმის შესახებ, რომელიც უკრაინამ აშშ-ს გაუგზავნა და რომელსაც ბრიუსელი მხარს უჭერს. დოკუმენტის ახალი რედაქცია, სავარაუდოდ, ითვალისწინებს უკრაინის ევროკავშირში გაწევრიანებას 2027 წლის 1-ელ იანვრამდე.
თუმცა, როგორც საინფორმაციო სააგენტო Reuters-ი იუწყება, გეგმის შესახებ ინფორმირებული ერთ-ერთი ევროპელი დიპლომატი აცხადებს, რომ უკრაინის ევროკავშირში 2027 წლისთვის გაწევრიანება „უკიდურესად რთული“ იქნება. მისი თქმით, გაურკვეველია, რამდენად უჭერს მხარს ამ მიზანს ევროკავშირის ხელმძღვანელობა.
რამდენიმე სხვა ევროპელმა ოფიციალურმა პირმა და დიპლომატმა აღნიშნული სამიზნე თარიღი „აბსოლუტურად შეუძლებლად“ შეაფასა.
კომენტარები