თუ დასავლეთ ევროპისთვის რუსის ან უკრაინელის სიცოცხლეს ფასი არ აქვს, მე არ მინდა ასეთი დასავლეთ ევროპის ნაწილი ვიყო, – განაცხადა სლოვაკეთის პრემიერ-მინისტრმა, რობერტ ფიცომ.
„დღეს თითქმის ერთსაათიანი სატელეფონო საუბარი მქონდა ევროპული საბჭოს პრეზიდენტთან, ანტონიუ კოშტასთან. სრულიად პატივს ვცემ მას, მაგრამ ვიდრე ის უკრაინის ომისთვის ფულზე საუბრობდა, მე განუწყვეტლივ ვიმეორებდი იმას, რომ ასობით და ათასობით რუსი და უკრაინელი ყოველდღიურად უაზროდ კვდება“, – აღნიშნა სლოვაკეთის მთავრობის მეთაურმა.
„მე ვუთხარი ანტონიუ კოშტას, რომ არაფერს დავუჭერ მხარს, თუნდაც ბრიუსელში ახალ წლამდე მოგვიწიოს ჯდომა, რაც უკრაინის სამხედრო ხარჯების მხარდაჭერას გამოიწვევს. მზად ვარ, როგორც სლოვაკეთის პრემიერ-მინისტრმა, მხარი დავუჭირო უკრაინას მის აღდგენაში სლოვაკეთისა და უკრაინის მთავრობებს შორის ორმხრივი მოლაპარაკებების საფუძველზე, მაგრამ უარს ვამბობ უაზრო ხოცვა-ჟლეტაზე“, – დასძინა მან.