ევროკომისარი საგარეო ურთიერთობათა საკითხებში კაია კალასი რუსული აქტივების განუსაზღვრელი ვადით გაყინვას გამოეხმაურა და აღნიშნა, რომ 210 მილიარდი ევრო ევროკავშირის ტერიტორიაზე იმ დრომდე დარჩება, ვიდრე რუსეთი უკრაინას ომით მიყენებულ ზიანს სრულად არ აუნაზღაურებს.
„ჩვენ ვაგრძელებთ რუსეთზე წნეხის გაზრდას, სანამ ის მოლაპარაკებებს სერიოზულად არ შეხედავს. მომდევნო კვირას ევროპული საბჭოს სხდომა იქნება უმნიშვნელოვანესი უახლოეს წლებში უკრაინის ფინანსური საჭიროებების უზრუნველსაყოფად“, – დაწერა კალასმა სოციალურ ქსელ X-ში.
ცნობისთვის, გუშინ ევროკავშირის ელჩები რუსული აქტივების განუსაზღვრელი ვადით გაყინვაზე შეთანხმდნენ.
კომენტარები