ამერიკელი რეჟისორი რობ რაინერი შეშლილი ადამიანი იყო, ის ძალიან ცუდი იყო ჩვენი ქვეყნისთვის, – ამის შესახებ აშშ-ის პრეზიდენტმა, დონალდ ტრამპმა განაცხადა.
„მე საერთოდ არ ვიყავი მისი გულშემატკივარი. ის ფსიქიკურად შეშლილი ადამიანი იყო. ვფიქრობ, მან კარიერაში საკუთარი თავი დააზარალა. ის შეშლილ ადამიანს დაემსგავსა, ტრამპით შეპყრობილის სინდრომით. მე საერთოდ არ ვიყავი რობ რაინერის გულშემატკივარი, არანაირად. ვფიქრობ, რომ ის ძალიან ცუდი იყო ჩვენი ქვეყნისთვის“, – განაცხადა ტრამპმა.
შეგახსენებთ, რობ რაინერი და მისი მეუღლე მიშელი საკუთარ სახლში გარდაცვლილები იპოვეს. ლოს ანჯელესის პოლიციამ ამერიკელი რეჟისორისა და მისი მეუღლის მკვლელობაში ბრალდებული მათი ვაჟი, ნიკი დააკავა და წინასწარი პატიმრობა მიუსაჯა.
რობ რაინერის ყველაზე ცნობილი ნამუშევრებია: „როცა ჰარი შეხვდა სალის“, „უძინარნი სიეტლში“, „პატარძალი პრინცესა“ და სხვა. რაინერი, ამასთან, წარმატებული საპროდიუსერო კომპანიის, Castle Rock Entertainment-ის თანადამფუძნებელიც იყო.