უკრაინაში ომის გაგრძელების მიზეზი და მშვიდობის დამაბრკოლებელი პუტინია, – აცხადებს ნატოს გენერალურ მდივანი. გერმანული BILD-ისთვის მიცემულ ინტერვიუში მაკ რუტემ აღნიშნა, რომ რუსეთის პრეზიდენტის მოლაპარაკების მაგიდასთან დასმა მხოლოდ დონალდ ტრამპის შეუძლია, უკრაინისთვის უსაფრთხოების გარანტიების მიზანი კი იმის უზრუნველყოფაა, რომ უკრაინაზე თავდასხმა არასდროს მოხდეს.
„პუტინმა უნდა გაიგოს, რომ კიდევ ერთ თავდასხმას მისთვის დამანგრეველი შედეგები მოჰყვება. ამისთვის სამი დონე არსებობს. პირველი – უკრაინის შეიარაღებული ძალები. მათ ომის დასრულების შემდეგ ქვეყნის დაცვა უნდა შეეძლოთ. მეორე დონე – „მსურველთა კოალიცია“. კოალიცია მომავალში ყველაფერს უზრუნველყოფს, რომ პუტინმა ეს აღარ გაბედოს. მესამე დონე – ამერიკის შეერთებული შტატები. ახლა ჩვენ ამ სამი ელემენტის გასაერთიანებლად ვმუშაობთ“, – აცხადებს რუტე.