ვიდრე მე და პრეზიდენტი ტრამპი ყველაფერს ვაკეთებთ, რომ მათი მანქანა გავანადგუროთ, მემარცხენეები ჯერ კიდევ აქ არიან და საკმაოდ ძლიერები არიან, – განაცხადა ამერიკის შეერთებული შტატების ვიცე-პრეზიდენტმა ჯეი დი ვენსმა.
„ესენი არიან აქტივისტი ჯგუფები, რომლებსაც ჩვენი ბავშვების მოწამვლა სურთ ჰორმონალურ თერაპიით. ესენი არიან სოროსის დაფინანსებული პროკურორები, რომლებიც ჩვენი ქალაქების დაწვას ზეიმობენ, ისინი იმარჯვებენ, როდესაც ჩვენი ქვეყანა აგებს. არ გირჩევნიათ თავისუფალ მოძრაობას ჩაუდგეთ სათავეში, სადაც აზრთა სხვადასხვაობა და თავისუფალი მოაზროვნეები არიან, ვიდრე ჯორჯ სოროსის ბრძანებით ვმოქმედებდეთ? თუკი გენატრებათ ჩარლი კირკი, მომეცით პირობა, რომ დაგვეხმარებით იმ რადიკალების დამარცხებაში, რომლებიც მის სიკვდილს ზეიმობენ“, – განაცხადა ვენსმა.
ამერიკის ვიცე-პრეზიდენტმა ასევე აღნიშნა, რომ ჯორჯ სოროსი ამერიკული ღირებულებების საწინააღმდეგო მოძრაობებს აფინანსებს. ჯეი დი ვენსმა, მემარცხენეები და წინა ადმინისტრაცია ეროვნული პრიორიტეტების არასწორ განაწილებაშიც დაადანაშაულა და განაცხადა, რომ უკრაინაში დიდი თანხის გაგზავნის ნაცვლად, ამერიკელი ხალხის ფული ამერიკელთა პრობლემებს უნდა მოხმარდეს.