პოლონელი ევროპარლამენტარი ევროკომისიის პრეზიდენტსა და ევროკავშირის მართლმსაჯულების სასამართლოს პოლონეთის სუვერენიტეტზე თავდასხმაში ადანაშაულებს.
ევროდეპუტატი ევა ზაიაჩკოვსკა-ჰერნიკი ეხმიანება სასამართლოს მიერ ევროკომისიის სასარგებლოდ გამოტანილ გადაწყვეტილებას, რომლითაც დგინდება, რომ ევროკავშირის კანონმდებლობა პოლონეთის და ზოგადად, წევრი სახელმწიფოების კონსტიტუციაზე მაღლა დგას.
ევროპარლამენტარის გაცხადებით, ევროკავშირის მართლმსაჯულების სასამართლომ ფეხქვეშ გათელა წევრი სახელმწიფოების კონსტიტუციური იდენტობისადმი პატივისცემა.
„ეს არის აშკარა, უხეში თავდასხმა პოლონეთის სუვერენიტეტზე. ევროკავშირის ბიუროკრატებმა საკუთარ თავს უფლება მისცეს, რომ ჩვენს კონსტიტუციაზე მაღლა დადგნენ და პოლონეთის საქმეები ბოლო სიტყვა მათ ეთქმოდეთ. ევროკავშირის მართლმსაჯულების სასამართლომ ევროკავშირის შეთანხმებებს გადააბიჯა და წევრი სახელმწიფოების კონსტიტუციური იდენტობის პატივისცემის პრინციპი ფეხქვეშ გათელა. ჯერ გადაგვიწყვიტეს, რომ პოლონეთმა ევროკავშირის სხვა წევრ ქვეყნებში რეგისტრირებული ერთნაირსქესიანთა ქორწინება უნდა ვაღიაროთ, ახლა კი გვიწესებენ კანონის უზენაესობის ისეთ ინტერპრეტაციებს, რაც ჩვენს კონსტიტუციურ იდენტობას ეწინააღმდეგება“, – წერს ევროპარლამენტარი.