თურქული მედიის ინფორმაციით, ქვეყნის ჩრდილო-დასავლეთით, იალოვას პროვინციაში, „ისლამური სახელმწიფოს“ სავარაუდო მებრძოლებთან შეტაკებისას შვიდი თურქი პოლიციელი დაიჭრა.
სახელმწიფო მაუწყებლის, TRT Haber-ის ცნობით, სამართალდამცველები ქალაქ იალოვასთან მდებარე სახლში ატარებდნენ სპეცოპერაციას, სადაც სავარაუდოდ, ტერორისტები იმალებოდნენ.
ტელეკომპანია NTV-ს ინფორმაციით, ეჭვმიტანილებმა პოლიციას ცეცხლი ოპერაციის დაწყებისთანავე გაუხსნეს. მხარდაჭერისთვის ადგილზე ბურსას პროვინციიდან პოლიციის სპეცდანიშნულების რაზმები გაიგზავნა.
გასულ კვირას თურქეთში „ისლამური სახელმწიფოს“ 115 სავარაუდო წევრი დააკავეს. ოფიციალური პირების თქმით, ისინი ქვეყანაში შობა-ახალი წლის დღესასწაულებზე თავდასხმებს გეგმავდნენ.
კომენტარები