ესტონეთის საზოგადოებრივი მაუწყებელი ქვეყანაში პარტიების წევრების მატებისა და კლების შესახებ 2025 წლის მონაცემებს ავრცელებს. ირკვევა, რომ ყველაზე მეტი წევრი წელს მემარჯვენე პარტიებს შეუერთდა. ესტონეთის კონსერვატიულ სახალხო პარტიას (EKRE) 902 ადამიანი შეემატა, „მამულს“ (Isamaa) კი 264.
დაკარგულ წევრთა სიმრავლით კი პირველ ადგილზეა ესტონეთის ყოფილი პრემიერ-მინისტრის, ამჟამად კი ევროკომისიის ვიცე-პრეზიდენტისა და საგარეო საქმეთა და უშიშროების პოლიტიკის საკითხებში ევროკავშირის უმაღლესი წარმომადგენლის, კაია კალასის, „ესტონეთის რეფორმის პარტია“, რომელიც წელს 524-მა წევრმა დატოვა. ამჟამად პარტიას 9 080 წევრი ჰყავს, რაც შარშანდელ რაოდენობაზე 4,8%-ით ნაკლებია.
ესტონეთის საგარეო საქმეთა მინისტრი, მარგუს ცაჰკნას პარტიამ, „ესტი-200“’, რომელიც „ესტონეთის რეფორმის პარტიასთან“ ერთად სამთავრობო კოალიციაშია, პროცენტულად ყველაზე დიდი დანაკარგი განიცადა. „ესტი 200“-მა წელს 20 ახალი წევრი მიიზიდა, 129 კი დაკარგა. დღეს პარტიაში მხოლოდ 648 წევრია, რაც შარშანდელ მაჩვენებელთან შედარებით 13,7%-ით ნაკლებია.