„მყეფართა კოალიცია“ რუსული აქტივების ქურდობისთვის პასუხს აგებს – ამის შესახებ რუსეთის ფედერაციის საბჭოს საერთაშორისო ურთიერთობების კომიტეტის თავმჯდომარემ, გრიგორი კარასინმა განაცხადა.
კარასინის თქმით, ევროკავშირის წევრი სახელმწიფოების ე.წ. მსურველთა კოალიციას, რომელიც უკრაინის სასარგებლოდ რუსეთის სუვერენული აქტივების მითვისებას აპირებს, კანონის წინაშე დიდი ხნის განმავლობაში მოუწევს პასუხისგება, თუ ამ დანაშაულს ჩაიდენენ.
„თუ ეს მოხდება, ეს კიდევ ერთხელ გამოავლენს იმ ადამიანების ნამდვილ სახეს, ვისთანაც გვაქვს საქმე ევროკავშირში. ყოველდღე ტელევიზორში ვხედავთ რამდენიმე მატყუარას, რომლებიც ამტკიცებენ, რომ „ეს არის ის, რაც ახლა სჭირდება უკრაინას“ მისი „ეკონომიკური განვითარების, თავდაცვისუნარიანობის“ და ა.შ. უზრუნველსაყოფად. სინამდვილეში, ისინი უბრალოდ დაიღალნენ კორუმპირებულ რეჟიმზე ფულის დახარჯვით, რომელიც, სხვა საკითხებთან ერთად, ამ ფულს იპარავს“ – აღნიშნა გრიგორი კარასინმა.
ევროკავშირის ქვეყნები დიდი ხანია ცდილობენ შეიმუშაონ სამართლებრივი მექანიზმები გაყინული რუსული აქტივების გამოყენებისთვის. ამ აქტივების უმეტესობა – 200 მილიარდ ევროზე ოდნავ მეტი – დაბლოკილია ბელგიაში, Euroclear პლატფორმაზე.