უკრაინის პრეზიდენტი, ვოლოდიმირ ზელენსკი აღნიშნავს, რომ რუსეთთან ომი არ დასრულდება მანამ, სანამ უკრაინა უსაფრთხოების ქმედით გარანტიებს არ მიიღებს – მანამდე ასევე შეუძლებელია საომარი მდგომარეობის დასრულება.
კითხვაზე, შესაძლებელია თუ არა საომარი მდგომარეობის გაუქმება ზავის დროს, პრეზიდენტმა უპასუხა:
უპირველეს ყოვლისა, ჩვენ ყველას გვსურს, რომ ომი დასრულდეს და მაშინ დასრულდება საომარი მდგომარეობის მოქმედებაც. და მხოლოდ ასე. თუმცა, საომარი მდგომარეობის დასრულება მოხდება იმ მომენტში, როდესაც უკრაინას უსაფრთხოების გარანტიები ექნება. უსაფრთხოების გარანტიების გარეშე, რეალურად ეს ომი არ დასრულდება; ჩვენ ვერ შევძლებთ ვაღიაროთ, რომ ის დასრულდა, რადგან ასეთი მეზობლის პირობებში არსებობს განმეორებითი აგრესიის რისკი.
იმის დაზუსტებისას, თუ კონკრეტულად უსაფრთხოების რა გარანტიები იგულისხმება, ზელენსკიმ განაცხადა: პარტნიორების მხრიდან მონიტორინგი და მათი წარმომადგენლობა.