რასაც ევროკავშირი და მისი ლიდერები ჩადიან, ეს უკვე ფაქტობრივად საბჭოთა კავშირს უტოლდება, – განუცხადა ჟურნალისტებს დიასპორის საპარლამენტო კომიტეტის თავმჯდომარემ, ირაკლი ზარქუამ კიოტოს უნივერსიტეტის ასოცირებული პროფესორის, პასკალ ლოტასის სტატიასთან დაკავშირებით.
ზარქუას თქმით, განსხვავებული აზრის გამო ადამიანების დასანქცირება ხდება.
„რასაც ევროკავშირი და მისი ლიდერები ჩადიან, ეს უკვე ფაქტობრივად საბჭოთა კავშირს უტოლდება. განსხვავებული აზრის გამო ადამიანების დასანქცირება ხდება. იქ არის ერთი პოლკოვნიკი, რომელმაც თქვა განსხვავებული აზრი, ვიდრე ფონ დერ ლაიენი და ჭკუის კოლოფი კალასი ამბობენ. პასუხი რა არის ევროკავშირის ლიდერებისგან და ევროკავშირის პოლიტიკა? სანქციების სიაში მოხვედრა და თქვენ იცით, ჩამონათვალია, ცნობილი ანალიტიკოსები, სამხედრო პირები, ჟურნალისტები და ა.შ. ბოლო-ბოლო, სადამდე მიიყვანს, არ ვიცი.
კიდევ ერთხელ გეუბნებით, ზუსტად ვიცი, რომ უახლოეს პერიოდში ევროკავშირის ამ ე.წ. ლიდერობას, რომელიც არანაირად ევროკავშირის ინტერესებს, არც ღირებულებას არ გამოხატავს, სავარაუდოდ ალბათ სახლში გაუშვებენ, ნაწილს კიდევ მოუწევს პასუხისგება იმ ქმედებების გამო, რამაც ევროკავშირი ამ დონემდე მიიყვანა“, – აღნიშნა ირაკლი ზარქუამ.