ბრაზილიის პრეზიდენტის, ლულა და სილვას განცხადებით, შეერთებულმა შტატებმა „მიუღებელი ზღვარი“ გადაკვეთა და „უკიდურესად საშიში პრეცედენტი“ შექმნა.
მისი თქმით, ვენესუელის ტერიტორიის დაბომბვები და ქვეყნის პრეზიდენტის დატყვევება მიუღებელ ზღვარს სცილდება.
„ეს ქმედებები ვენესუელის სუვერენიტეტის ძალიან სერიოზულ ხელყოფას და მთელი საერთაშორისო საზოგადოებისთვის კიდევ ერთ უკიდურესად საშიშ პრეცედენტს წარმოადგენს. ქვეყნებზე თავდასხმა, რაც საერთაშორისო სამართლის აშკარა დარღვევაა, პირველი ნაბიჯია ძალადობის, ქაოსისა და არასტაბილურობის სამყაროსკენ, სადაც უძლიერესის კანონი ჭარბობს მრავალმხრივობაზე“, – განაცხადა ბრაზილიის პრეზიდენტმა.
კომენტარები