ნიგერიაში, ნიგერის შტატის ერთ-ერთ სოფელში შეიარაღებულმა პირებმა თავდასხმა განახორციელეს, რის შედეგადაც, სულ მცირე, 30 ადამიანი დაიღუპა. თავდამსხმელებმა გაძარცვეს მაღაზიებიც.
BBC-ის ცნობით, თავდამსხმელები შაბათს, კასუვან-დაჯის სოფელთან ახლოს მდებარე ტყიდან გამოვიდნენ, ცეცხლი წაუკიდეს ადგილობრივ ბაზარს, გაძარცვეს მაღაზიები და გაიტაცეს ადამიანი, თუმცა გატაცებულების ზუსტი რაოდენობა უცნობია.
“შეიარაღებული პირები ქალაქში მოტოციკლებით შევიდნენ, ხალხი შეკრიბეს, შემდეგ კი მათი დახვრეტა დაიწყეს”, – განუცხადა ადგილობრივმა ჟურნალისტმა BBC-ის.
მედიის ცნობით, შეიარაღებული კრიმინალური დაჯგუფებების მხრიდან, რომლებიც ბანდიტების სახელითაა ცნობილი, თავდასხმები და გატაცებები ნიგერიაში მრავალი წლის განმავლობაში პრობლემას წარმოადგენდა, მაგრამ, ბოლო დროს, დასავლეთ და ცენტრალურ რეგიონებში შემთხვევების რაოდენობა მკვეთრად გაიზარდა.