საქართველოს პარლამენტის თავმჯდომარის შალვა პაპუაშვილის განცხადებით, „ქართულ ოცნების“ მიერ BBC-ის წინააღმდეგ შეტანილი სარჩელი ნაკლებად გამოაშკარავებს იმ ადამიანებს, ვინც ქვეყნის ინტერესების დასაზიანებლად იყენებდა ცილისმწამებლურ პუბლიკაციებს, თუმცა, ვარაუდი იმის შესახებ, თუ ვის აძლევდა ხელს ასეთი რამ, შესაძლებელია.
„ჩვენ შეგვიძლია უბრალოდ ვივარაუდოთ მათ შორის იმის ხილვით, ვინც ჩართულნი არიან ამ ცილისმწამებლური ფილმის და პუბლიკაციების საფუძვლებზე საქართველოს წინააღმდეგ აგორებულ კამპანიაში. თავად გასაჩივრების პროცესი, ალბათ, ნაკლებად შეძლებს ამის გამოვლენას, რასაც მოველით, არის, რომ BBC-იმ აღიაროს საკუთარი დარღვევები და შეძლებისდაგვარად შეეცადოს ამის გამოსწორება, ამ პუბლიკაციების წაშლით და ბოდიშის მოდით. რაც შეეხება იმას, თუ ვინ დგას ამის უკან, ჩვენ ვხედავთ და შეგვიძლია ვივარაუდოთ იმ აქტორების ხილვით, რომლებიც იყენებდნენ ამ ცილისმწამებლურ პუბლიკაციებს იმისთვის, რათა საქართველო დაეზიანებინათ“, – განუცხადა პაპუაშვილმა ჟურნალისტებს.