ეს ნიშნავს, რომ მათ ჩაფიქრებული აქვთ საქართველოსთვის არასასურველი საქმეების კეთება, – განაცხადა პარტია „ხალხის ძალის“ საერთაშორისო ურთიერთობების მდივანმა, ეკა სეფაშვილმა 15 იანვარს გერმანიის საელჩოში, ელჩ პეტერ ფიშერთან რადიკალური ოპოზიციის სხვადასხვა დაჯგუფების წევრების შეხვედრის ფაქტის კომენტირებისას.
„მედიაში უკვე ვრცელდება ინფორმაცია, რომ ეს ეხებოდა საქართველოში აგრესიის, ძალადობის ახალ ტალღას, რომელსაც აუცილებლად უნდა მოჰყვეს მსხვერპლი. ეს ახალი ამბავი არ არის. ამის გაკეთება მათ ადრეც უნდოდათ და ადრეც ცდილობდნენ, რომ მსგავსი მსხვერპლი გამოეწვიათ საქართველოში.
საბედნიეროდ, საქართველოს მოსახლეობას, ჩვენს სამართალდამცველებს, ეყოთ იმის გონიერება, სიფხიზლე და პროფესიონალიზმი, რომ მსგავსი სცენარის განვითარება თვიდან აგვეცილებინა“, – აღნიშნა სეფაშვილმა.
„ქრონიკის“ ინფორმაციით, საქართველოში გერმანიის ელჩი პეტერ ფიშერი საელჩოში 15 იანვარს აქტივისტებს შეხვდა.
„ქრონიკის“ ინფორმაციით, ამ შეხვედრაზე იმყოფებოდნენ, „გირჩის“ წევრი ლუკა მიშველაძე, ასევე მეგი ფერაძე, არჩილ გოჩიტაშვილი, დავით სეხნიაშვილი, სერგეი ყანჩელი, ნიკოლოზ ხოსროშვილი, ანნი ფრიდონაშვილი და დათა ქაშიაშვილი.
„ქრონიკის“ ინფორმაციით, ელჩი, პეტერ ფიშერი ოპოზიციის აქტივისტებს უხსნიდა, რომ „დღევანდელი საპროტესტო ღონისძიებები მომავალში შედეგს არ მოიტანს, რის გამოც აუცილებელია, რომ როგორც ირანში საპროტესტო აქციებს მოჰყვა ადამიანთა მსხვერპლი, რაც გადაიზარდა მასობრივ რადიკალურ პროტესტში – ასეთივე სცენარით განვითარდეს მოვლენები საქართველოში“.
გერმანიის ელჩთან შეხვედრის ფაქტზე და შეხვედრის შინაარსის შესახებ დასმულ კითხვას აქტივისტები გაურბიან, თუმცა აუდიენციას ადასტურებენ.